Shavkat Mirziyoyev raisligida 12-aprel kuni o‘tkazilgan farmatsevtika tarmog‘i bo‘yicha yig‘ilishda sohadagi bir qator kamchiliklar aytib o‘tildi. Bu haqda Prezident matbuot kotibi xabar qildi.
Qayd etilishicha, davlat rahbarining topshirig‘iga ko‘ra barcha farmatsevtika korxonalari bilan uchrashuvlar o‘tkazilgan. Ular tomonidan 50 ga yaqin muammo ko‘tarilgan. Misol uchun:
- tibbiyot muassasalari tomonidan davlat xaridlarida dori vositalarini “savdo nomi” bilan joylashtirish, bir necha dorilarni bitta lotga qo‘yish holatlari mavjud;
- mahalliy ishlab chiqaruvchilar amaliyotda 15 foizlik narx preferensiyasidan foydalana olmayapti;
- tashqi omillar hisobiga 150 turdagi aholi uchun kerakli dori vositalarida uzilish bo‘lishi xavfi mavjud;
- korxonalar bilan mahsulotini 3 yil davomida kafolatli sotib olish (ofteyk) tizimini joriy qilish bo‘yicha amaliy ishlar boshlanmadi.
O‘zbekistonda tashqi omillar hisobiga 150 turdagi aholi uchun kerakli dori vositalarida uzilish bo‘lishi mumkin.
Shavkat Mirziyoyev Bosh prokuratura bu borada nazoratni kuchaytirishi zarurligini ko‘rsatib o‘tdi.
Bosh prokuraturaga bu boradagi nazoratni kuchaytirishi zarurligi ko‘rsatib o‘tilgan.
Eslatib o‘tamiz, Shavkat Mirziyoyev yig‘ilishda hududlarning dori vositalari bilan ta’minlanganlik holati mutlaqo qoniqarsiz ekanini aytib, O‘zbekistonda ishlab chiqarilgan dori vositalarini ko‘paytirish bo‘yicha keskin choralar ko‘rish shart ekanini ma’lum qilgandi.
Mavzuga doir:
- O‘zbekistonda endi mahalliy ishlab chiqaruvchilarning yangi farmatsevtika mahsulotlarini davlat ro‘yxatidan o‘tkazish muddati cheklanmaydi
- “Ukraina bo‘lmasa, Rossiya, Xitoy, Hindiston yoki boshqa davlatlar ham bor”. O‘zbekistondagi dorilar savdosini qanday o‘zgarishlar kutayotgani haqida mutaxassis fikri
- Shavkat Mirziyoyev farmatsevtika tarmog‘ini rivojlantirish agentligi direktoriga hayfsan e’lon qildi, ikkala o‘rinbosarini ishdan olishga ko‘rsatma berdi
Izoh (0)