Toshkent shahri Shayxontohur tumanida noqonuniy diniy ta’lim bilan bog‘liq holat aniqlandi, deb xabar bermoqda shahar Ichki ishlar bosh boshqarmasi.
Qayd etilishicha, Toshkent shahar IIBB va boshqa huquq-tartibot organlari xodimlari Shayxontohur tumanida profilaktik tadbirlar olib borgan. Unda tumandagi o‘quv markazlaridan birida N.K. (43 yoshli) va M.R. (19 yoshli) tegishli ruxsatlarsiz diniy adabiyotdan foydalangan holda dars o‘tgani aniqlangan.
Holat bo‘yicha Ma’muriy javobgarlik to‘g‘risidagi kodeksning 241-moddasiga (diniy ta’limotdan saboq berish tartibini buzish) asosan sud tomonidan ayollarga nisbatan qonuniy chora ko‘rilgan.
Avvalroq Farg‘onada uyida noqonuniy hujra tashkil qilgan shaxslar 10 sutkaga qamalgani xabar qilingandi. Shuningdek, Surxondaryoda uyida voyaga yetmagan bolalarga diniy saboq bergan erkak jarimaga tortilgani, Qashqadaryoda 13 nafar voyaga yetmagan bolaga noqonuniy diniy ta’lim berish bilan shug‘ullangan ona-bola aniqlangani haqida xabar berilgan.
Izoh (0)