Rossiyaning Sankt-Peterburg shahrida yosh bolasi bilan moliyaviy qiyin ahvolda qolgan ayol O‘zbekistonga qaytarildi.
Tashqi mehnat migratsiyasi agentligining ma’lum qilishicha, asli farg‘onalik B.N. oilasi bilan 2019-yilning noyabrida vaqtinchalik mehnat faoliyatini amalga oshirish uchun Rossiyaga ketgan. Ayol agentlikning Sankt-Peterburg shahridagi vakolatxonasiga murojaat qilib, farzandi bilan turar joy va mablag‘siz qolib ketganini ma’lum qilib, O‘zbekistonga qaytishda amaliy yordam so‘ragan.
B.N. va uning farzandi Xorijda mehnat faoliyatini amalga oshiruvchi fuqarolarni qo‘llab-quvvatlash hamda ularning huquq va manfaatlarini himoya qilish jamg‘armasi mablag‘lari hisobidan vatanga qaytarilgan.
Bundan avval Sankt-Peterburg va Vladivostokda qiyin ahvolga tushib qolgan yosh bolali yana ikki ayol O‘zbekistonga qaytarilgandi.
Izoh (0)