Шавкат Мирзиёев раислигида 12 апрель куни ўтказилган фармацевтика тармоғи бўйича йиғилишда соҳадаги бир қатор камчиликлар айтиб ўтилди. Бу ҳақда Президент матбуот котиби хабар қилди.
Қайд этилишича, давлат раҳбарининг топшириғига кўра барча фармацевтика корхоналари билан учрашувлар ўтказилган. Улар томонидан 50 га яқин муаммо кўтарилган. Мисол учун:
- тиббиёт муассасалари томонидан давлат харидларида дори воситаларини «савдо номи» билан жойлаштириш, бир неча дориларни битта лотга қўйиш ҳолатлари мавжуд;
- маҳаллий ишлаб чиқарувчилар амалиётда 15 фоизлик нарх преференциясидан фойдалана олмаяпти;
- ташқи омиллар ҳисобига 150 турдаги аҳоли учун керакли дори воситаларида узилиш бўлиши хавфи мавжуд;
- корхоналар билан маҳсулотини 3 йил давомида кафолатли сотиб олиш (офтейк) тизимини жорий қилиш бўйича амалий ишлар бошланмади.
Ўзбекистонда ташқи омиллар ҳисобига 150 турдаги аҳоли учун керакли дори воситаларида узилиш бўлиши мумкин.
Шавкат Мирзиёев Бош прокуратура бу борада назоратни кучайтириши зарурлигини кўрсатиб ўтди.
Бош прокуратурага бу борадаги назоратни кучайтириши зарурлиги кўрсатиб ўтилган.
Эслатиб ўтамиз, Шавкат Мирзиёев йиғилишда ҳудудларнинг дори воситалари билан таъминланганлик ҳолати мутлақо қониқарсиз эканини айтиб, Ўзбекистонда ишлаб чиқарилган дори воситаларини кўпайтириш бўйича кескин чоралар кўриш шарт эканини маълум қилганди.
Мавзуга доир:
- Ўзбекистонда энди маҳаллий ишлаб чиқарувчиларнинг янги фармацевтика маҳсулотларини давлат рўйхатидан ўтказиш муддати чекланмайди
- «Украина бўлмаса, Россия, Хитой, Ҳиндистон ёки бошқа давлатлар ҳам бор». Ўзбекистондаги дорилар савдосини қандай ўзгаришлар кутаётгани ҳақида мутахассис фикри
- Шавкат Мирзиёев фармацевтика тармоғини ривожлантириш агентлиги директорига ҳайфсан эълон қилди, иккала ўринбосарини ишдан олишга кўрсатма берди
Изоҳ (0)