UEFA klublar ustidan moliyaviy nazorat o‘rnatish maqsadida moliyaviy feyr-pley qoidalarini isloh qildi.
“Yangi qoidalarning asosiy maqsadi moliyaviy barqarorlikka erishishdir. Bunga uchta asosiy omil orqali erishiladi: to‘lov qobiliyati, barqarorlik va xarajatlarni nazorat qilish”, — deydi tashkilot rahbari Aleksandr Cheferin.
Isloh qilingan moliyaviy feyr-pley qoidalaridagi asosiy o‘zgarishlar quyidagilardan iborat bo‘ldi:
- Klublar o‘z xodimlari, boshqa futbol klublari, ijtimoiy va soliq idoralari hamda UEFA oldidagi qarzlarini har uch oyda (hozirda yiliga bir marta) uzishi shart;
- Jamoalarga uch yil davomida 60 million yevro miqdorida xarajatlarning daromaddan oshib ketishiga ruxsat beriladi (hozirda uch yilga 30 million yevro), shu bilan birga kelishuvlarning adolatliligi, klub balansining yaxshilanishi va qarzlarni kamaytirish masalalari qattiq nazorat qilinadi;
- Transferlar va agentlarning to‘lovlariga sarflanadigan xarajatlar endi klub daromadining 70 foizi bilan chegaralanadi. Qoidabuzarliklar oldindan belgilangan moliyaviy va sport sanksiyalariga olib keladi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)