“PSJ” Mbappega ikki mavsum uchun 150 mln yevro maosh va’da qilmoqda. “Real” yiliga 30 mln taklif qilgan edi

Kilian Mbappe “PSJ” yoki “Real”dan birini tanlaydi.

Jurnalist Gilem Balagening yozishicha, parijliklar 23 yoshli futbolchiga ikki mavsum uchun 150 million yevro maosh to‘lashga tayyor. Voqealar fonida Mbappe “Real” o‘z taklifini oshirishini istamoqda. Madrid klubi unga yiliga 30 million yevro taklif qilgan.

Mbappe uchun hamon “qaymoqranglilar” safiga o‘tish afzalroq variant bo‘lib turibdi. Fransuz uchun kurashda faqatgina “PSJ” va “Real” ishtirok etmoqda.

“PSJ” bosh murabbiyligiga Zinedin Zidan asosiy nomzod bo‘lib turibdi. Rahbariyat Zidanning kelishi Kilian Mbappening jamoada qolishiga sabablardan biri bo‘lishi mumkinligiga ishonmoqda, deb yozadi jurnalist Fabris Hokins.

23 yoshli Mbappening “PSJ” bilan shartnomasi 2022-yil yozida o‘z nihoyasiga yetadi. Avvalroq fransuz OAV Kilian “PSJ”da qolishga qaror qilgani va bu haqda may oyida e’lon qilinishi haqida xabar qilgandi.

Kilian 2021/22-yilgi mavsum “PSJ” safida barcha musobaqalarda 38 ta o‘yinda ishtirok etib, 28 ta gol va 17 ta golli uzatmaga mualliflik qildi.