Vazirlar Mahkamasi 2-aprel kuni “Maishiy texnika mahsulotlarini majburiy raqamli markirovkalash tizimini joriy etish to‘g‘risida”gi qarorni tasdiqladi.
Eslatib o‘tamiz, 2020-yilda mahsulotlarni markirovkalash va kuzatib borish bo‘yicha “Asl belgisi” milliy axborot tizimi ishga tushirilgan edi. Ushbu tizim operatori sifatida Rossiyaning “Istiqbolli texnologiyalarni rivojlantirish markazi” asos solgan CRPT Turon kompaniyasi tanlangan.
Majburiy markirovkalanishi lozim bo‘lgan mahsulotlar ro‘yxatidan tamaki mahsulotlari, alkogolli ichimliklar (pivodan tashqari), pivo mahsulotlari, dori vositalari va tibbiyot vositalari, suv va alkogolsiz ichimliklar, maishiy texnikalar o‘rin olgan.
Vazirlar Mahkamasi qarori bilan majburiy raqamli markirovkalashni boshlash muddatlari va mahsulotlar turlari guruhlar bo‘yicha quyidagicha belgilandi:
- birinchi guruh — changyutgich, kir yuvish mashinasi, sovitkich va muzlatkich, televizor va monitor — 2022-yil 15-apreldan boshlab;
- ikkinchi guruh — maishiy gaz plitasi, oshxona dudburoni, duxovka va pechka, mikroto‘lqinli pech, dazmol, suv isitkich — 2022-yil 1-avgustdan boshlab;
- uchinchi guruh — suv isitish qozonlari, konditsioner, o‘rnatilgan elektr motorli maishiy texnika (sharbat chiqargich, blender, mikser, qahva yanchgich, go‘sht maydalagich), barcha turdagi lampalar — 2022-yil 1-noyabrdan boshlab.
- majburiy raqamli markirovkalanadigan maishiy texnika mahsulotlarining identifikatsiya kodlari ro‘yxati;
- ishlab chiqaruvchi tashkilotlar tomonidan maishiy texnika mahsulotlarini majburiy raqamli markirovkalash tizimini bosqichma- bosqich joriy qilish grafigi;
- import qiluvchi tashkilotlar tomonidan maishiy texnika mahsulotlarini majburiy raqamli markirovkalash tizimini bosqichma- bosqich joriy qilish grafigi;
- ulgurji va chakana savdo tashkilotlarining maishiy texnika mahsulotlarini majburiy raqamli markirovkalash tizimiga bosqichma- bosqich o‘tishi grafigi;
- Maishiy texnika mahsulotlarini identifikatsiya vositalari orqali raqamli markirovkalash xususiyatlari to‘g‘risidagi nizom.
Ma’lumot uchun, CRPT Turon kompaniyasini yaratgan Rossiyaning “Istiqbolli texnologiyalarni rivojlantirish markazi” kompaniyasining 50 foizi Alisher Usmonovning USM Holdings’ga tegishli.
Izoh (0)