Statistika qo‘mitasiga ko‘ra, 2017-yili Toshkent shahriga rasman 24 ming kishi ko‘chib kelgan. Bu son oshib borib, 2021-yilda 111 mingga yetgan. So‘nggi 5 yilda jami 272 mingga yaqin kishi boshqa hududlardan doimiy yashash uchun poytaxtga ko‘chib kelgan.
Shaharga keluvchilarning soni tobora ortishiga sababi nima? Nega odamlar Toshkentga intiladi? “Daryo” bu borada aholi fikri bilan qiziqdi.
So‘rovnomada ishtirok etganlarning deyarli ko‘pchiligi poytaxtga ishlash uchun kelganini aytdi.
“Odamlar qayerda sharoit bo‘lsa, yaxshi yashash uchun o‘sha yerga intiladi” — deydi sotuvchi yigit.
“Viloyatda yashash qiyin. Gaz, chiroq yo‘q. Agar Toshkentnikidek sharoit qilinsa, har kim o‘z viloyatida yashardi, ishlardi”— deya ta’kidlaydi yo‘lovchi ayol.
Talaba yigitning aytishicha, boshqa hududlarga qaraganda Toshkent rivojlangan shahar va sayohat uchun chiroyli joylari bor.
“Toshkentda bemalol ishlab, pul topsa bo‘ladi. Bu yerda mehnatingiz qadrlanadi, ko‘proq pul topasiz. Shu sabab poytaxtda ishlab yuribmiz” — deydi Surxondaryo viloyatidan ishlash uchun kelgan ayol.
Izoh (0)