Destatis Federal statistika boshqarmasining dastlabki ma’lumotlariga ko‘ra, Germaniya iste’mol narxlari 7,3 foizga oshgan. Bu 1990-yildan beri oxirgi 30 yildagi eng yuqori ko‘rsatkichdir. Joriy yilning fevral oyida iste’mol narxlarining o‘sishi yillik ko‘rsatkichda 5,1 foizni tashkil etdi.
Rossiyaning Ukrainaga bostirib kirishi ortidan tabiiy gaz va neft mahsulotlari narxi yana sezilarli darajada oshdi va inflyatsiyaning yuqori darajasiga ta’sir ko‘rsatdi, — deyiladi vazirlik bayonotida.Energiya ta’minoti va narxlar bilan bog‘liq xavotirlar ham Germaniyani 2022-yil uchun o'sish prognozini kamaytirishga undadi. Federal hukumatning mustaqil iqtisodiy maslahatchilari guruhi joriy yilda mamlakat yalpi ichki mahsuloti atigi 1,8 foizga o‘sishini bashorat qilmoqda. Noyabr oyida maslahat kengashi 2022-yil uchun 4,6 foizga o‘sishini prognoz qildi.
Yevropaning eng yirik iqtisodiyoti koronavirus pandemiyasidan keyin endigina tiklanishni boshlagan edi.
Germaniyada inflyatsiyaning o‘sishi ketma-ket bir necha yil kuzatilmoqda. O‘tgan yili mamlakatda inflyatsiya deyarli 29 yil ichida birinchi marta besh foizlik chegaradan oshgani xabar qilingan edi. Bundan tashqari, Germaniyada rekord miqdordagi kompaniyalar yaqin uch oy ichida narxlarni oshirish niyatida.
Avvalroq Germaniya Qatar bilan gaz bo‘yicha uzoq muddatli hamkorlik to‘g‘risida kelishib olgani xabar berilgan edi.
Izoh (0)