Rossiya futbol ittifoqi (RFI) direktori Andrey Leksakov FIFA cheklovlari Rossiya terma jamoasining turli o‘yinlarda ishtirok etishiga qarshilik ko‘rsatmasligiga umid qilishini aytdi.
UEFAdan xalqaro musobaqalarda ishtirok etish uchun cheklovlar olib tashlanishini kutyapmiz. Afsuski, hozir jamoalarimiz hech qaysi musobaqada ishtirok etmayapti. Lekin sentabrda 2004-yilda tug‘ilgan futbolchilarimiz dastlabki saralash bosqichida o‘ynashi lozim edi, keyin esa 2006-yilda tug‘ilgan qizlar termasi o‘ynashi kerak.Avvalroq FIFA kongressning navbatdagi yig‘ilishida Rossiyaning tashkilotdagi kelajagi masalasini ko‘rib chiqishi xabar qilingandi. Unda RFI tashkilot a’zoligidan chiqarib yuborilishi yoki a’zolik to‘xtatib qo‘yilishi mumkin.Balki, yoshlar terma jamoalariga xalqaro musobaqalarda ishtirok etish uchun rasman ruxsat berilar, keyin esa zanjir milliy terma jamoaga tortilardi. Yoki aksincha, milliy terma jamoaga ruxsat berilishini kutamiz, shundan so‘ng boshqa termalar ham musobaqalarda ishtirok etish huquqiga ega bo‘ladi.
Biz yoshlar terma jamoalari ishtirokidagi kuzgi musobaqalar uchun Vengriya, Italiya va Xorvatiyadan takliflar oldik. Albatta, bu umumiy ro‘yxat ekanligini tushunamiz, ammo ular bizning erkaklar va ayollar terma jamoalarining ishtirokiga rad javobini bermaydi.
Osiyo davlatlari bilan o‘rtoqlik o‘yinlari o‘tkazishga ruxsat berilishidan umidimizni uzganimiz yo‘q. Yevropaliklar bilan muzokara o‘tkazish qiyin bo‘ladi. Lekin Xitoy, Eron, O‘zbekiston, Qozog‘iston va hatto, Shimoliy Koreya ham bizning jamoalar bilan o‘ynashi mumkin. Bu rossiyalik futbolchilarning tayyorgarligini ma’lum darajada ushlab turishga yordam berardi.
Andrey Leksakov, RFI direktori
Eslatib o‘tamiz, FIFA Rossiya futbol terma jamoasini JCh—2022 o‘tish o‘yinlaridan, UEFA esa rus klublarini Yevrokuboklardan chetlatgan edi.
Izoh (0)