Lui van Gal: “Manchester Yunayted” — tijoriy klub, Erik ten Hag futbol klubiga o‘tishi kerak

Niderlandiya terma jamoasi ustozi Lui van Gal “Ayaks” bosh murabbiyi Erik ten Hagga “Manchester Yunayted” boshqaruviga kelmaslikni maslahat berdi.

Ten Hagni ajoyib murabbiy deb hisoblayman, buni bir necha bor ta’kidlaganman. Yaxshi murabbiylar esa “Manchester Yunayted” uchun muhim.

Lekin “Manchester Yunayted” — tijoriy klub, u yerda murabbiylar qaror qabul qilishi qiyin. Yaxshisi futbol klubiga borish kerak.

Men ten Hagga ko‘rsatma bermoqchi emasman, agar xohlasa menga qo‘ng‘iroq qilishi mumkin. Lekin u tijoriy emas, futbol klubiga borish kerak.

Lui van Gal, Niderlandiya terma jamoasi bosh murabbiyi

Erik ten Hag “Manchester Yunayted” bosh murabbiyligi uchun asosiy nomzodlardan biri bo‘lib turibdi. Mankunianliklar rahbariyati mutaxassis bilan suhbat o‘tkazgan va murabbiyning ingliz tilini bilish darajasidan qoniqqan.