Roberto Manchini Italiya terma jamoasining JCh—2022 ga chiqa olmaganidan afsusda ekanligini bildirdi.
Qanchalik qayg‘uli bo‘lmasin, so‘nggi to‘rt yil davomida qilgan ishlarimiz qadrlanganidan mamnunman. Yevropa chempionatidagi g‘oliblik bizning yagona yutug‘imiz emas. Yigitlar erishgan yutuqlari uchun hurmatga loyiqdir. Bizda ajoyib jamoa bor.Roberto Manchini shogirdlari Yevropa mintaqasida JCh—2022 saralashining so‘nggi turida Shimoliy Irlandiya bilan durang o‘ynab, Jahon Chempionatiga to‘g‘ridan to‘g‘ri chiqish imkoniyatini qo‘ldan chiqargandi. Italyanlar C guruhida 16 ochko bilan ikkinchi o‘rinni egallagan bo‘lsa, Shveysariya 18 ochko bilan birinchi o‘rinni qo‘lga kiritgan edi.Mundial saralashida Shveysariyani kamida ikki ochko ortda qoldirishimiz lozim edi. Bazelda 3:0 hisobida g‘alaba qozonishimiz kerak edi. Sentabrdan keyin omadimiz kelmadi, lekin o‘yinchilarni ayblamoqchi emasman, ular yaxshi futbol ko‘rsatdi. Biz xatolarga yo‘l qo‘ydik va imkoniyatlardan foydalana olmadik.
Endi bizda yoshlarni tarkibga jalb qilish imkoni bor, ular klublarda o‘yin amaliyotiga ega bo‘ladi, deb umid qilaman. Yosh futbolchilarning salohiyatini kuzatishimiz mumkin. Bu terma jamoa biroz kuchaygan holatda Jahon Chempionatida g‘olib chiqa olardi.
Albatta, keyingi o‘yinlarda o‘zgarishlar bo‘ladi. Ikki yildan so‘ng bo‘lib o‘tadigan Yevropa chempionatiga jamoani tayyorlashimiz kerak. Bu bizning ishimiz.
Yevro va Jahon Chempionatini yutishni xohlardim. Endi mundialni kutib turishga majburmiz, lekin ishim o‘zimga yoqadi va bu yerda muhim narsalarni amalga oshirmoqchiman. Agar xafaligimizni hisobga olmasak, barcha odatdagidek davom etadi.
Roberto Manchini, Italiya terma jamoasi bosh murabbiyi
Italiya terma jamoasi JCh—2022 saralashi pley-offining yarim final bahsida Shimoliy Makedoniyaga mag‘lub bo‘lib, mundial yo‘llanmasidan mahrum bo‘lgandi.
Izoh (0)