“Real” 2021/22-yilgi mavsum yakunlari bo‘yicha La Liga chempionligini qo‘lga kirita olmasa Karlo Anchelottining jamoadagi kelajagi so‘roq ostida qolishi mumkin.
AS nashrining xabar berishicha, mavsumning so‘nggi oylarida sodir bo‘lishi mumkin bo‘lgan falokatgina madridliklar rahbariyatini 62 yoshli mutaxassisga bo‘lgan ishonchiga ta’sir ko‘rsatadi. Chempionlar Ligasidan chiqib ketish italiyalik murabbiyning iste’fosiga sabab bo‘lmaydi, ammo Ispaniya chempionligi qo‘ldan ketsa, rahbariyat ushbu qarorni qabul qilishi mumkin.
“Real”ning “Santyago Bernabeu”da “Barselona” yirik hisobda mag‘lub bo‘lishi turli shubhalarni paydo qilgan. Sabab natijaning o‘zida emas, bu mag‘lubiyatdan keyin kelib chiqqan o‘ylarda. Endi Anchelotti barqarorlikni ko‘rsatishi lozim.
“Real” italiyalik murabbiy boshchiligida xuddi shunday vaziyatni boshdan o‘tkazgan. 2014/15-yilgi mavsumda Madrid klubi chempionatda yetakchilik qilayotgan edi, ammo dekabrda “Valensiya”ga qarshi o‘yinda (1:2) uchralgan mag‘lubiyatdan so‘ng muammolar paydo bo‘lgan. Natijada “Barselona” 4 ochkolik farqni yo‘qqa chiqarib, chempionlikni nishonlagandi. Mavsum oxirida Anchelotti iste’foga chiqarilgan edi.
Hozirda “qaymoqranglilar” 66 ochko bilan Ispaniya chempionatida yetakchilik qilmoqda va ikkinchi o‘rindagi “Sevilya”dan 9 ochko oldinda.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)