«Реал» 2021/22 йилги мавсум якунлари бўйича Ла Лига чемпионлигини қўлга кирита олмаса Карло Анчелоттининг жамоадаги келажаги сўроқ остида қолиши мумкин.
АS нашрининг хабар беришича, мавсумнинг сўнгги ойларида содир бўлиши мумкин бўлган фалокатгина мадридликлар раҳбариятини 62 ёшли мутахассисга бўлган ишончига таъсир кўрсатади. Чемпионлар Лигасидан чиқиб кетиш италиялик мураббийнинг истеъфосига сабаб бўлмайди, аммо Испания чемпионлиги қўлдан кетса, раҳбарият ушбу қарорни қабул қилиши мумкин.
«Реал»нинг «Сантьяго Бернабеу»да «Барселона» йирик ҳисобда мағлуб бўлиши турли шубҳаларни пайдо қилган. Сабаб натижанинг ўзида эмас, бу мағлубиятдан кейин келиб чиққан ўйларда. Энди Анчелотти барқарорликни кўрсатиши лозим.
«Реал» италиялик мураббий бошчилигида худди шундай вазиятни бошдан ўтказган. 2014/15 йилги мавсумда Мадрид клуби чемпионатда етакчилик қилаётган эди, аммо декабрда «Валенсия»га қарши ўйинда (1:2) учралган мағлубиятдан сўнг муаммолар пайдо бўлган. Натижада «Барселона» 4 очколик фарқни йўққа чиқариб, чемпионликни нишонлаганди. Мавсум охирида Анчелотти истеъфога чиқарилган эди.
Ҳозирда «қаймоқранглилар» 66 очко билан Испания чемпионатида етакчилик қилмоқда ва иккинчи ўриндаги «Севилья»дан 9 очко олдинда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)