Роберто Манчини Италия терма жамоасининг ЖЧ—2022 га чиқа олмаганидан афсусда эканлигини билдирди.
Қанчалик қайғули бўлмасин, сўнгги тўрт йил давомида қилган ишларимиз қадрланганидан мамнунман. Европа чемпионатидаги ғолиблик бизнинг ягона ютуғимиз эмас. Йигитлар эришган ютуқлари учун ҳурматга лойиқдир. Бизда ажойиб жамоа бор.Роберто Манчини шогирдлари Европа минтақасида ЖЧ—2022 саралашининг сўнгги турида Шимолий Ирландия билан дуранг ўйнаб, Жаҳон Чемпионатига тўғридан-тўғри чиқиш имкониятини қўлдан чиқарганди. Итальянлар C гуруҳида 16 очко билан иккинчи ўринни эгаллаган бўлса, Швейцария 18 очко билан биринчи ўринни қўлга киритган эди.Мундиал саралашида Швейцарияни камида икки очко ортда қолдиришимиз лозим эди. Базелда 3:0 ҳисобида ғалаба қозонишимиз керак эди. Сентябрдан кейин омадимиз келмади, лекин ўйинчиларни айбламоқчи эмасман, улар яхши футбол кўрсатди. Биз хатоларга йўл қўйдик ва имкониятлардан фойдалана олмадик.
Энди бизда ёшларни таркибга жалб қилиш имкони бор, улар клубларда ўйин амалиётига эга бўлади, деб умид қиламан. Ёш футболчиларнинг салоҳиятини кузатишимиз мумкин. Бу терма жамоа бироз кучайган ҳолатда Жаҳон Чемпионатида ғолиб чиқа оларди.
Албатта, кейинги ўйинларда ўзгаришлар бўлади. Икки йилдан сўнг бўлиб ўтадиган Европа чемпионатига жамоани тайёрлашимиз керак. Бу бизнинг ишимиз.
Евро ва Жаҳон Чемпионатини ютишни хоҳлардим. Энди мундиални кутиб туришга мажбурмиз, лекин ишим ўзимга ёқади ва бу ерда муҳим нарсаларни амалга оширмоқчиман. Агар хафалигимизни ҳисобга олмасак, барча одатдагидек давом этади.
Роберто Манчини, Италия терма жамоаси бош мураббийи
Италия терма жамоаси ЖЧ—2022 саралаши плей-оффининг ярим финал баҳсида Шимолий Македонияга мағлуб бўлиб, мундиал йўлланмасидан маҳрум бўлганди.
Изоҳ (0)