Ijtimoiy tarmoqlarda Buxoro tumanidagi “Chorbakr” aholi punkti yaqinida noaniq tovushlar eshitilayotgani to‘g‘risida xabarlar tarqaldi. Buxoro viloyati FVB holatga munosabat bildirib, ushbu tovushlar qayerdan paydo bo‘lganiga aniqlik kiritdi.
Ma’lum qilinishicha, Buxoro tuman “Rabotiqalmoq” MFY hududida joylashgan AKSA Enerji Bukhara MCHJ xorijiy korxonasiga tegishli 28 ta generatordan iborat 270 mVt quvvatli gaz porshenli elektr stansiyasi bir kunda 244 mVt tok ishlab chiqaradi.
Ishlab chiqarilgan elektr energiyasi “Milliy elektr tarmoqlari”ga yetkazib beriladi, elektr stansiyasiga esa tabiiy gaz “Shexoncha” gaz taqsimlash stansiyasidan 700 diametrli quvur orqali “O‘ztransgaz” korxonasi tomonidan yetkazib beriladi.
Elektr stansiyasidagi 28 ta generatorlardan 10 tasi ifloslangan tabiiy gazda ishlagani uchun nosoz holga kelgan va shu nosozlik sababli avariya holati sodir bo‘lgan.
Elektr stansiyasidagi generatorlar Kogon magistral gaz quvurlari boshqarmasi xodimlari tomonidan stansiyaga quvur orqali ifloslangan qurum changdan tozalab berilgan. Avariya bartaraf etilgan.
Eslatib o‘tamiz, 2020-yilning dekabr oxirlarida Gulistonda ikki marta kuchli gumburlash ovozi eshitilgandi. Keyinroq FVV Seysmoprognostik monitoring Respublika markazi bu zilzila oqibatida yuzaga kelgani, zilzila o‘chog‘i yer yuzasiga yaqin bo‘lgani sababli gumburlash ovozi eshitilganini ma’lum qilgan edi.
Izoh (0)