Бухоро вилояти ФВБ «Чорбакр» яқинида эшитилган ноаниқ товушлар юзасидан маълумот берди

Ижтимоий тармоқларда Бухоро туманидаги «Чорбакр» аҳоли пункти яқинида ноаниқ товушлар эшитилаётгани тўғрисида хабарлар тарқалди. Бухоро вилояти ФВБ ҳолатга муносабат билдириб, ушбу товушлар қаердан пайдо бўлганига аниқлик киритди.

Маълум қилинишича, Бухоро туман «Работиқалмоқ» МФЙ ҳудудида жойлашган AKSA Enerji Bukhara MCHJ МЧЖ хорижий корхонасига тегишли 28 та генератордан иборат 270 мВт қувватли газ поршенли электр станцияси бир кунда 244 мВт ток ишлаб чиқаради.

Ишлаб чиқарилган электр энергияси «Миллий электр тармоқлари»га етказиб берилади, электр станциясига эса табиий газ «Шехонча» газ тақсимлаш станциясидан 700 диаметрли қувур орқали «Ўзтрансгаз» корхонаси томонидан етказиб берилади.

Электр станциясидаги 28 та генераторлардан 10 таси ифлосланган табиий газда ишлагани учун носоз ҳолга келган ва шу носозлик сабабли авария ҳолати содир бўлган.

Электр станциясидаги генераторлар Когон магистрал газ қувурлари бошқармаси ходимлари томонидан станцияга қувур орқали ифлосланган қурум чангдан тозалаб берилган. Авария бартараф этилган.

Эслатиб ўтамиз, 2020 йилнинг декабрь охирларида Гулистонда икки марта кучли гумбурлаш овози эшитилганди. Кейинроқ ФВВ Сейсмопрогностик мониторинг Республика маркази бу зилзила оқибатида юзага келгани, зилзила ўчоғи ер юзасига яқин бўлгани сабабли гумбурлаш овози эшитилганини маълум қилган эди.