Namanganda aholiga tabiiy gaz yetkazib berishda mavjud uch bosqichli tizimdan voz kechilmoqda. Bu haqda “Hududgaz Namangan” gaz ta’minoti filiali direktorining birinchi o‘rinbosari O‘tkirbek Mamadaliyev ma’lum qildi, deya xabar beradi “Daryo” muxbiri Azizbek Abduvaliyev.
Ushbu tizim tabiiy gaz yetkazib berishning past, o‘rta va yuqori bosimli bosqichlaridan iborat edi. Endi past bosimli bosqichdan voz kechilmoqda.
Buning uchun filial injener-texnik xodimlaridan tashkil topgan 13 ta maxsus ishchi guruhlari tuzildi. Ushbu guruhlar tomonidan bugunga qadar foydalanishda bo‘lgan jami 5737 ta gaz bosimini sozlovchi (GRP) qurilmadan 3516 tasi demontaj qilinib, ikki va undan ortiq tortilgan gaz quvurlari tartibga keltirilmoqda.
“Amalga oshirilgan ishlar natijasida hozirda viloyatdagi 60 000 dan ortiq hovli xonadonlari ikki bosqichli tizimga o‘tkazilib, hozirda bir me’yorda tabiiy gaz yetkazib berilmoqda. Joriy yilning 1-noyabr kuniga qadar aholiga to‘liq yangi tizim orqali tabiiy gaz yetkazib berish yo‘lga qo‘yiladi”, — deydi O‘tkirbek Mamadaliyev.
Izoh (0)