Ukraina Milliy xavfsizlik va mudofaa kengashi Rossiya bilan aloqasi bo‘lgan siyosiy partiyalarning har qanday faoliyatini harbiy holat davrida to‘xtatishga qaror qildi. Bu haqda Ukraina prezidenti Vladimir Zelenskiy o‘z videomurojaatida aytdi.
Faoliyati taqiqlangan partiyalar ro‘yxatiga quyidagilar kiradi:
- “Muxolifat platformasi — hayot uchun”
- “Shariya partiyasi”
- “Bizning”
- “Muxolifat bloki”
- “So‘l muxolifat”
- “So‘l kuchlar ittifoqi”
- “Hukmronlik”
- “Ukraina progressiv sotsialistik partiyasi”
- “Ukraina sotsialistik partiyasi”
- “Sotsialistlar”
- “Vladimir Saldo bloki”.
Avvalroq Zelenskiy Rossiya propogandasini taqiqlovchi qonunni imzolagandi. Qonun Rossiyaning Ukrainaga qarshi qurolli tajovuzini oqlash, unga aloqador shaxslarni maqtashni taqiqlaydi. Rossiyaning harakatlarini oqlovchi partiyalar va rossiyaparast tashkilotlar faoliyati sud qarori bilan tugatilishi mumkin.
Qonunga ko‘ra, rossiyalik harbiy xizmatchilar va rossiyaparast tuzilmalar a’zolarini “militsiya” va “xushfe’l odamlar” deb ta’riflash, Ukrainada 2014-yildan beri davom etayotgan janglarni esa “fuqarolar urushi” yoki “ichki mojaro” deb atash mumkin emas.
Mavzuga doir:
- Melitopol meri Rossiya harbiylarining qo‘lida asirlikdagi vaqti haqida gapirdi. U tergov izolyatorida ushlab turilgan va “savodsizlarcha yozilgan” hujjatlarni imzolashga majbur qilingan
- Zelenskiy Ukraina yaxlitligini qayta tiklash vaqti kelganini ma’lum qildi
- Ukrainada kechayotgan urushning 22-kuni — suratlarda
Izoh (0)