Украина Миллий хавфсизлик ва мудофаа кенгаши Россия билан алоқаси бўлган сиёсий партияларнинг ҳар қандай фаолиятини ҳарбий ҳолат даврида тўхтатишга қарор қилди. Бу ҳақда Украина президенти Владимир Зеленский ўз видеомурожаатида айтди.
Фаолияти тақиқланган партиялар рўйхатига қуйидагилар киради:
- «Мухолифат платформаси — ҳаёт учун»
- «Шария партияси»
- «Бизнинг»
- «Мухолифат блоки»
- «Сўл мухолифат»
- «Сўл кучлар иттифоқи»
- «Ҳукмронлик»
- «Украина прогрессив социалистик партияси»
- «Украина социалистик партияси»
- «Социалистлар»
- «Владимир Салдо блоки».
Аввалроқ Зеленский Россия пропогандасини тақиқловчи қонунни имзолаганди. Қонун Россиянинг Украинага қарши қуролли тажовузини оқлаш, унга алоқадор шахсларни мақташни тақиқлайди. Россиянинг ҳаракатларини оқловчи партиялар ва россияпараст ташкилотлар фаолияти суд қарори билан тугатилиши мумкин.
Қонунга кўра, россиялик ҳарбий хизматчилар ва россияпараст тузилмалар аъзоларини «милиция» ва «хушфеъл одамлар» деб таърифлаш, Украинада 2014 йилдан бери давом этаётган жангларни эса «фуқаролар уруши» ёки «ички можаро» деб аташ мумкин эмас.
Мавзуга доир:
- Мелитопол мери Россия ҳарбийларининг қўлида асирликдаги вақти ҳақида гапирди. У тергов изоляторида ушлаб турилган ва «саводсизларча ёзилган» ҳужжатларни имзолашга мажбур қилинган
- Зеленский Украина яхлитлигини қайта тиклаш вақти келганини маълум қилди
- Украинада кечаётган урушнинг 22-куни — суратларда
Изоҳ (0)