Futbol bo‘yicha Belarus chempionatining 1-turida “Energetik-BGU” 19-mart, shanba kuni “Vitebsk” bilan bahs yuritdi.
Uchrashuvning 66-daqiqasida Bobur Abduxoliqov hisobni ochdi. 76-daqiqada Roman Papariga “Energetik-BGU”ning ikkinchi goliga mualliflik qildi. 83-daqiqada Yaroslav Yarotskiy hisobni qisqartirishga muvaffaq bo‘ldi. O‘yin oxirida Bobur Abduxoliqov penaltidan unumli foydalandi va jamoasining ishonchli g‘alabasini ta’minladi. Bu uning o‘yindagi ikkinchi goli edi.
Qayd etish kerak, mezbonlar safida Abduxoliqovdan tashqari, yana ikki nafar o‘zbekistonlik futbolchilar Jahongir Husanov va Shohrux Abdurahmonov asosiy tarkibda maydonga tushdi. Abduxoliqov 90+4-daqiqada zaxiraga olindi.
Shu tariqa “Energetik-BGU” ushbu g‘alabadan so‘ng 3 ochko bilan musobaqa peshqadamiga aylanib oldi.
Belarus chempionati
1-tur bahsi
19-mart, shanba
Izoh (0)