Karim Benzema “Barselona”ga qarshi bahsni o‘tkazib yuboradi.
“Real” hujumchisi yakshanba kungi o‘yinga qadar kichik jarohatidan tuzalmaydi. 34 yoshli hujumchi Fransiya terma jamoasining Kot-d’Ivuar va JARga qarshi o‘yinlarini ham o‘tkazib yuboradi.
Karim La Liganing 28-turidan o‘rin olgan “Malyorka”ga qarshi bahsda jarohat olgandi.
Madrid klubi 20-mart kuni “Barselona” bilan o‘ynaydi.
Avvalroq Benzema faoliyatidagi gollari sonini 413 taga yetkazib, futbol tarixidagi eng yaxshi fransiyalik to‘purarga aylangandi.
Karim Benzema 2009-yilda “Lion”dan “Real Madrid” safiga o‘tgan edi. Madridliklar futbolchi uchun 35 million yevro to‘lagan. 34 yoshli futbolchi 2021/22-yilgi mavsum La Ligada 24 ta o‘yinda 20 ta gol urishga muvaffaq bo‘ldi.
Izoh (0)