Futbol bo‘yicha Rossiya chempionatining 22-turida “Nijniy Novgorod” 19-mart, shanba kuni “Spartak” bilan bahs yuritdi.
Nijniy Novgorodda o‘tgan bahs 1:1 hisobi bilan yakunlandi. 72-daqiqada Kristofer Martins Pereyra hisobni ochdi. Oradan bir daqiqa o‘tar-o‘tmas esa mezbonlarning o‘zbekistonlik himoyachisi Ibrohimxalil Yo‘ldoshev qanotdan oshirilgan to‘pni boshi bilan darvozaga joylab muvozanatni tikladi.
76-daqiqada “Spartak” 11 metrlik jarima zarbasini golga aylantira olmadi. Yo‘ldoshev esa bahsda to‘liq 90 daqiqa harakat qildi.
“Nijniy Novgorod” 22-turdan keyin 24 ochko bilan 11-o‘rinda bormoqda. Hisobida 27 ochko bo‘lgan “Spartak” 9-pog‘onani band etib turibdi.
Rossiya chempionati
22-tur bahsi
19-mart, shanba
Izoh (0)