Футбол бўйича Беларусь чемпионатининг 1-турида «Энергетик-БГУ» 19 март, шанба куни «Витебск» билан баҳс юритди.
Учрашувнинг 66-дақиқасида Бобур Абдухолиқов ҳисобни очди. 76-дақиқада Роман Папарига «Энергетик-БГУ»нинг иккинчи голига муаллифлик қилди. 83-дақиқада Ярослав Яроцкий ҳисобни қисқартиришга муваффақ бўлди. Ўйин охирида Бобур Абдухолиқов пенальтидан унумли фойдаланди ва жамоасининг ишончли ғалабасини таъминлади. Бу унинг ўйиндаги иккинчи голи эди.
Қайд этиш керак, мезбонлар сафида Абдухолиқовдан ташқари, яна икки нафар ўзбекистонлик футболчилар Жаҳонгир Ҳусанов ва Шоҳрух Абдураҳмонов асосий таркибда майдонга тушди. Абдухолиқов 90+4-дақиқада захирага олинди.
Шу тариқа «Энергетик-БГУ» ушбу ғалабадан сўнг 3 очко билан мусобақа пешқадамига айланиб олди.
Беларусь чемпионати
1-тур баҳси
19 март, шанба
Изоҳ (0)