O‘tgan haftada Cosmopolitan Russia MDHning 30 nafar yetakchi ayollari reytingni e’lon qildi.
Hamdo‘stlik mamlakatlari ayollarining eng nufuzli 30 vakili qatoriga birdaniga olti nafar o‘zbekistonlik kiritilgan.
“Ko‘z o‘ngimizda tarix yaratayotgan ayollar” nomli loyiha ustida MDHning turli davlatlaridan mustaqil jurnalistlar jamoasi ishlashgan. Aynan ular quyidagi oltita toifaga bo‘lingan 30 ta nufuzli ayollarning qisqa ro‘yxatini tuzishgan.
- hukumat a’zolari;
- moliya;
- fan va sog‘liqni saqlash;
- jamiyat;
- sport va madaniyat;
- media.
- Shahnoza Mirziyoyeva – O‘zbekiston Respublikasi Maktabgacha ta’lim vazirligi boshqarmasi boshlig‘i, alohida ehtiyojli bolalar uchun ixtisoslashtirilgan reabilitatsiya ta’lim muassasalari loyihasi tashabbuskori;
- Tanzila Norboyeva – O‘zbekiston Respublikasi Oliy Majlisi Senati raisi.
- Jamila Po‘latova – O‘zbekiston onkologlar uyushmasi bosh kotibi, Jamila Po‘latova nomidagi onkologiya maktabi asoschisi va rahbari;
- Shahlo Turdiqulova – O‘zbekiston Respublikasi innovatsion rivojlanish vaziri o‘rinbosari, Ilg‘or texnologiyalar markazi direktori.
- Gayane Umerova – Madaniyat va san’atni rivojlantirish jamg‘armasining ijrochi direktori;
- Alina Hakimova – harbiylar orasida triatlon bo‘yicha jahon chempioni.
Izoh (0)