Qashqadaryo viloyati Nishon tumanida 9-mart kuni 11-sinf o‘quvchisi o‘zini osdi. Bu haqda Nasafnews xabar qildi.
Qayd etilishicha, shu kuni Nishon tumanidagi 21-maktabning 11-sinf o‘quvchisi G.E. (qiz bola) o‘z yashash uyining orqa tarafidagi o‘rik daraxtiga arqon bilan o‘zini osib, voqea joyida vafot etgan.
Xabarda aytilishicha, 2005-yilda tug‘ilgan qizning ruhiyatida o‘zgarish bo‘lgan.
Nishon tumani IIB boshlig‘i Sh.Shokirovning ma’lum qilishicha, hozirda holat yuzasidan tuman prokuraturasi tomonidan tergovoldi tekshiruv harakatlari olib borilmoqda. Marhumning vafoti yuzasidan tibbiy ekspertiza tayinlangan.
Eslatib o‘tamiz, bu tumanda maktab o‘quvchilarining o‘z joniga qasd qilishi bilan bog‘liq birinchi hodisa emas. 2021-yil 18-may kuni Nishon tumanidagi 23-maktabning 11-sinf o‘quvchisi (qiz bola) o‘zini osib qo‘ygani haqida ham xabar berilgandi.
Mavzuga doir:
- Toshkent metrosida o‘zini poyezd tagiga tashlagan erkak voqea joyida vafot etgan
- Qarzga olgan 57 mln so‘mni totalizatorda yutqazib qo‘ygan FarDU o‘qituvchisi qabristonda o‘zini osib qo‘ydi
- Samarqandda 18 yoshli maktab o‘quvchisi o‘z joniga qasd qilgani ma’lum bo‘ldi. Voqea haqida prokuraturaga o‘z vaqtida xabar bermagan mansabdorlarga xizmat tekshiruvi tayinlandi
- Qarshida 38 yoshli erkak avtoservisda o‘zini osib o‘ldirdi
Izoh (0)