Shavkat Mirziyoyev 16-mart kuni Davlat soliq qo‘mitasiga tashrif buyurib, soliq ma’murchiligini isloh qilish va sohaga axborot texnologiyalarini keng joriy etish masalalari yuzasidan yig‘ilish o‘tkazdi. Unda soliq sohasi vakillariga bir qator topshiriqlar berdi, deb xabar bermoqda “Daryo” muxbiri.
Bizda eng katta muammo — tumanlardagi soliq sohasi vakillari OAV vakillari bilan matbuot anjumani qilib, ularga tushuntirish bermaydi. Shunday bo‘lgandan keyin odamlar tarmoqlarda norozi bo‘lib yozadi. Albatta, shunday bo‘ladi-da ular tushunmagandan keyin. Endi har oyda tumanlardagi soliq sohasi vakillari OAV va blogerlar ishtirokida matbuot anjumani qilib, oqni oq, qorani qora deydi. Bu borada qaror chiqadi, — deydi prezident.Shavkat Mirziyoyev “barcha qilinayotgan ishlar insonlar uchun ekanini” alohida qayd etib o‘tgan.
Soliq organidagi barcha darajadagi rahbarlar tadbirkorlar, odamlar bilan tez-tez uchrashib, muammolarini eshitishi, tushunmovchiliklarning oldini olishi, ijtimoiy tarmoqlarda, OAVda kerakli axborotni berishi, o‘rgatishi va yaqin ko‘makchisi bo‘lishi kerak, — deya qo‘shimcha qilgan davlat rahbari.Shuningdek, prezident yiliga 200 nafar soliq sohasi vakillari Janubiy Koreya, Turkiya kabi mamlakatlarda o‘qishi kerakligi haqida gapirgan.
Mavzuga doir:
- “Hozirgi soliqchilar ikki, uch yoki to‘rt yil avvalgi soliqchilar emas” — Shavkat Mirziyoyev
- “Yanvar oyida 25 milliarddan ortiq, fevralda 30 mlrd, mart oyining 16-sanasigacha esa 15 mlrd so‘m keshbek yig‘ildi” — Sherzod Kudbiyev
- Shavkat Mirziyoyev DSQning Ma’lumotlarni qayta ishlash markazini borib ko‘rdi
Izoh (0)