Qozog‘iston prezidenti Qosim-Jo‘mart To‘qayev 10 ming dollarlik xorijiy valyutani, shuningdek, ma’lum miqdordagi oltin va quyma tangalarni olib chiqishni taqiqladi. Bu haqda prezident saytida e’lon qilingan farmonda aytilgan.
Hujjatda qayd etilishicha, Naqd xorijiy valyutani va xorijiy valyutadagi pul vositalarini Qozog‘iston Respublikasi Milliy bankining belgilangan kursi bo‘yicha hisoblangan 10 ming AQSh dollari ekvivalentidan ortiq miqdorda Qozog‘istondan olib chiqish taqiqlanadi.
Bundan tashqari, Qozog‘iston Milliy banki tomonidan muomalaga chiqarilgan 5, 10, 20, 50 va 100 gramm og‘irlikdagi tozalangan oltin quymalari, shuningdek, “Oltin Barys” oltini va “Kumis Barys” kumushidan tayyorlangan investitsiya tangalari eksport qilinishi mumkin emas. Og‘irligi 100 grammdan ortiq bo‘lgan tozalangan oltinning ham eksporti taqiqlandi.
Izoh (0)