Rossiya hukumati Xitoydan Rossiya harbiylarining Ukrainadagi bosqinini qo‘llab-quvvatlash uchun harbiy texnika berishni so‘ragan, deb yozmoqda Financial Times, The New York Times va The Washington Post nashrlari AQSh hukumatidagi ismi oshkor etilmagan manbalarga tayanib.
NYT AQSh hukumatidagi manbasiga tayanib yozishicha, Rossiya Xitoydan iqtisodiy sanksiyalar oqibatlariga qarshi turish uchun qo‘shimcha iqtisodiy yordam ham so‘ragan.
14-mart kuni Rimda AQSh milliy xavfsizlik maslahatchisi Jeyk Sallivanning xitoylik diplomat Yan Szechi bilan uchrashuvi rejalashtirilgan. FT manbalariga ko‘ra, Sallivan Xitoyni urushda yoki sanksiyalardan qochishda Rossiyaga yordam berishga har qanday urinish yomon oqibatlarga olib kelishi haqida ogohlantirmoqchi.
Oq uy va Xitoyning Vashingtondagi elchixonasi OAV xabarlariga izoh bermagan.
Izoh (0)