Қозоғистон президенти Қосим-Жўмарт Тўқаев 10 минг долларлик хорижий валютани, шунингдек, маълум миқдордаги олтин ва қуйма тангаларни олиб чиқишни тақиқлади. Бу ҳақда президент сайтида эълон қилинган фармонда айтилган.
Ҳужжатда қайд этилишича, Нақд хорижий валютани ва хорижий валютадаги пул воситаларини Қозоғистон Республикаси Миллий банкининг белгиланган курси бўйича ҳисобланган 10 минг АҚШ доллари эквивалентидан ортиқ миқдорда Қозоғистондан олиб чиқиш тақиқланади.
Бундан ташқари, Қозоғистон Миллий банки томонидан муомалага чиқарилган 5, 10, 20, 50 ва 100 грамм оғирликдаги тозаланган олтин қуймалари, шунингдек, «Олтин Барйс» олтини ва «Кумис Барйс» кумушидан тайёрланган инвестиция тангалари экспорт қилиниши мумкин эмас. Оғирлиги 100 граммдан ортиқ бўлган тозаланган олтиннинг ҳам экспорти тақиқланди.
Изоҳ (0)