Rossiya prokuraturasi Ukrainadagi urush fonida Rossiyada biznes yuritishni to‘xtatishga qaror qilgan g‘arb kompaniyalarining aktivlari va xodimlarini hibsga olish bilan tahdid qildi. Bu haqda The Wall Street Journal manbalariga tayanib, xabar berdi.
Xususan, gap Rossiya hukumatini tanqid qilgan brendlar va ularning rahbarlarini hibsga olish haqida ketmoqda, deb yozadi gazeta.
Bunday tahdidlarni oziq-ovqat, kiyim-kechak va dasturiy ta’minot ishlab chiqaruvchi xorijiy kompaniyalar, shuningdek, restoranlar tarmog‘i egalari xatlar, telefon qo‘ng‘iroqlari orqali hamda prokurorlarning tashrifi chog‘ida olgan. Mazkur kompaniyalar orasida Coca-Cola, McDonald’s, Procter & Gamble, IBM va Yum Brands (KFC’ning egasi) bor.
Nashr manbalarining xabar berishicha, tahdidlar fonida kamida bitta xorijiy kompaniya Rossiya idorasi va boshqa bo‘linmalari o‘rtasidagi yozishmalarning qo‘lga tushishi mumkinligidan qo‘rqib, aloqani cheklashga qaror qilgan. Boshqa firmalar o‘z top-menejerlarini Rossiyadan olib ketgan, deyiladi xabarda.
Rossiyaning AQShdagi elchixonasi Wall Street Journal maqolasini “fantastik” deb atadi. Rossiya prokuraturasi ham, maqolada tilga olingan G‘arb kompaniyalari ham bu haqda hozircha izoh bermagan.
Mavzuga doir:
- “Na siyosat, na jurnalistika, na to‘g‘ri ishlaydigan birorta yuridik institut qoldi” — Rossiyani tark etayotgan yulduzlar
- Yevropaliklar va amerikaliklar O‘zbekiston va boshqa mamlakatlar orqali Rossiyani tark etmoqda
- Visa va Mastercard Rossiyadagi faoliyatini to‘xtatdi
- Dunyoning uchta eng yirik ovoz yozish kompaniyalari Rossiyadagi faoliyatini to‘xtatdi
Izoh (0)