Professional boksning super og‘ir vazn toifasida harakat qilayotgan Bahodir Jalolov (9-0, 9KO) navbatdagi jangi oldidan o‘z fikrlari bilan o‘rtoqlashdi.
Super og‘ir vazn toifasida hamma men haqimda tasavvurga ega va barchasi biladiki, cho‘qqiga chiqishim — bu vaqt masalasi, xolos.O‘zbekistonlik bokschi prof ringdagi navbatdagi jangini 18-mart kuni o‘tkazadi. Dubayda bo‘lib o‘tadigan boks oqshomida Jalolovga polshalik Kamil Sokolovski raqib bo‘ladi.Probellum va DiBella Entertainment orqali men imkon bo‘lishi bilan jahon chempioniga aylanaman. Ammo avvaliga Sokolovskini yengishim kerak. Yaqin hamma super og‘ir vazn toifasining bo‘lajak chempioni ekanimni tushunib yetadi.
Bahodir Jalolov, bokschi
Avvalroq Jalolov Probellum promouterlik kompaniyasi bilan shartnoma imzolagani xabar qilingandi.
Ma’lumot uchun, Jalolov prof boksda umumiy hisobda 9 ta jang o‘tkazib, ularning barchasida raqiblarini nokautga uchratgan. U so‘nggi jangini dekabr oyida kolumbiyalik Xulio Sezar Kalimenoga qarshi o‘tkazib, birinchi raunddayoq nokaut bilan g‘alaba qozongandi.
Izoh (0)