Профессионал бокснинг супер оғир вазн тоифасида ҳаракат қилаётган Баҳодир Жалолов (9-0, 9КО) навбатдаги жанги олдидан ўз фикрлари билан ўртоқлашди.
Супер оғир вазн тоифасида ҳамма мен ҳақимда тасаввурга эга ва барчаси биладики, чўққига чиқишим — бу вақт масаласи, холос.Ўзбекистонлик боксчи проф рингдаги навбатдаги жангини 18 март куни ўтказади. Дубайда бўлиб ўтадиган бокс оқшомида Жалоловга польшалик Камил Соколовски рақиб бўлади.Probellum ва DiBella Entertainment орқали мен имкон бўлиши билан жаҳон чемпионига айланаман. Аммо аввалига Соколовскини енгишим керак. Яқин ҳамма супер оғир вазн тоифасининг бўлажак чемпиони эканимни тушуниб етади.
Баҳодир Жалолов, боксчи
Аввалроқ Жалолов Probellum промоутерлик компанияси билан шартнома имзолагани хабар қилинганди.
Маълумот учун, Жалолов проф боксда умумий ҳисобда 9 та жанг ўтказиб, уларнинг барчасида рақибларини нокаутга учратган. У сўнгги жангини декабрь ойида колумбиялик Хулио Цезарь Калименога қарши ўтказиб, биринчи раунддаёқ нокаут билан ғалаба қозонганди.
Изоҳ (0)