“Manchester Yunayted” rahbariyati aprel oxirida yangi murabbiy bilan shartnoma imzolashi mumkin.
Daily Mail’ning xabar qilishicha, ingliz klubi aprel oyi oxirida jamoaga yangi murabbiy olib kelishga umid qilmoqda. Mankunianliklar tanlagan murabbiy hozirda boshqa jamoada faoliyat olib borayotgan bo‘lishi mumkin.
Rahbariyatining rejasiga ko‘ra, murabbiyni ertaroq jamoaga olib kelish, yozgi transfer oynasiga tayyorgarlik ko‘rish uchun foydali bo‘ladi. Noaniq transferlar, shartnoma muzokaralari 2022/23-yilgi mavsumdagi natijalarga salbiy ta’sir ko‘rsatishi mumkin.
“Qizil iblislar” bosh murabbiyligi uchun asosiy nomzodlar Maurisio Pochettino (“PSJ”) va Erik ten Hag (“Ayaks”) bo‘lib turibdi.
Manchesterliklar, shuningdek, Tomas Tuxelning “Chelsi”dagi holatini kuzatib bormoqda. Bundan tashqari, Ralf Rangnik ham jamoaning doimiy murabbiyi bo‘lish imkoniyatini saqlab turibdi.
Izoh (0)