Futbol bo‘yicha Italiya A Seriyasining 29-turidan o‘rin olgan o‘yinda “Yuventus” 12-mart, shanba kuni “Sampdoriya” bilan bahs yuritdi.
“Sampdoriya” mezbonligida o‘tgan o‘yin mehmonlarning 3:1 hisobidagi g‘alabasi bilan yakunlandi. Turinliklar safida Alvaro Morata dublga erishdi, yana bir vaziyatda Maya Yosida o‘z darvozasini ishg‘ol etib qo‘ydi. “Sampdoriya”ning yagona javob goliga esa Abdulhamid Sabiri mualliflik qildi.
Shu tariqa “Yuventus” safardan 3 ochko bilan qaytadigan bo‘ldi. Massimiliano Allegri shogirdlari ochkolari sonini 56 taga yetkazdi, jamoa 4-o‘rinda bormoqda. Peshqadam “Milan” 60 ochko jamg‘argan, “rossonerilar” ham tur doirasidagi o‘yinini 12-mart kuni tunda o‘tkazadi.
Hisobida 26 ochko bo‘lgan “Sampdoriya” 16-o‘rinni band etgan.
A Seriya
29-tur bahslari
12-mart, shanba
“Sampdoriya” – “Yuventus” 1:3
Gollar: 0:1 – 23, avtogol Yosida, 0:2 – 34, penalti Morata, 1:2 – 84 Sabiri, 1:3 – 88 Morata.“Sampdoriya”: Falkone, Bereshinski, Yosida, Kolli, Aujello (Konti, 83), Kandreva, Torsbyu, Rinkon (Trimboli, 83), Sensi (Jovinko, 66), Kualyarella (Sabiri, 62), Kaputo.
“Yuventus”: Shchensni, Danilo, Rugani, de Ligt, Pellegrini (de Shilyo, 85), Kuadrado, Rabyo (Aleks Sandro, 75), Lokatelli, Artur, Morata, Kin (Vlahovich, 65).
Ogohlantirishlar: Rabyo (49), Pellegrini (82).
Izoh (0)