“Barselona” darvozaboni Mark-Andre ter Shtegen jamoadagi “daxlsizlik huquqi”dan mahrum bo‘lishi mumkin.
Katalon rahbariyati va murabbiylar shtabi germaniyalik darvozabon kelajakda ham o‘z pozitsiyasining birinchi raqamli vakili bo‘lib qolishiga shubha bilan qaramoqda.
Ter Shtegen joriy mavsum bor-yo‘g‘i 63 foiz zarbani qaytarib qolgan. Bu uning katalon safidagi eng yomon ko‘rsatkichi. La Liga joriy mavsumida mazkur ko‘rsatkich borasida ter Shtegen 20-o‘rinda bormoqda. Qayd etilishicha, darvozabonning ko‘rsatkichi yildan yilga yomonlashib bormoqda.
Avvalroq “Barselona” unga o‘rinbosar qidirayotgani haqida xabarlar yangragandi.
Mark-Andre joriy mavsum La Ligada 24 ta o‘yin o‘tkazib, ularning 6 tasida o‘z darvozasi daxlsizligini saqlab qolgan va jami 29 ta gol o‘tkazib yuborgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!