Sherzod Ismoilov Xorazm viloyati hokimining investitsiyalar, innovatsiyalar, xususiylashtirilgan korxonalarga ko‘maklashish, erkin iqtisodiy va kichik sanoat zonalarini rivojlantirish masalalari bo‘yicha o‘rinbosari lavozimiga tayinlandi. Bu haqda viloyat hokimligi matbuot xizmati xabar berdi.
Sherzod Ismoilov tayinlovga qadar O‘zbekistonning Indoneziyadagi elchixonasida savdo iqtisodiy masalalar bo‘yicha maslahatchisi lavozimida faoliyat yuritgan.
Avvalroq Rishton tumani prokurori Oltiariqqa hokim etib, Davlat soliq qo‘mitasi raisining birinchi o‘rinbosari Samarqand shahriga hokim etib, Toshkent viloyati hokimiga yangi o‘rinbosar tayinlangani to‘g‘risida xabar berilgandi.
Eslatib o‘tamiz, 2021-yilning noyabrida Xorazm viloyati hokimi Farhod Ermanov farmoyishi bilan viloyatdagi 12 ta tuman va shahar hokimlari jazoga tortilgandi.
Izoh (0)