Davlat soliq qo‘mitasi raisining birinchi o‘rinbosari Samarqand shahriga hokim etib tayinlandi
Samarqand shahrida viloyat hokimi Erkinjon Turdimov ishtirokida Xalq deputatlari shahar Kengashining navbatdagi sessiyasi bo‘lib o‘tdi. Sessiyada shaharning yangi hokimi jamoatchilikka tanishtirildi, deya xabar berdi Samarqand shahar hokimligi axborot xizmati.
Qayd etilishicha, Samarqand shahar hokimi vazifasida faoliyat yuritib kelgan Boburmirzo Oblaqulov boshqa ishga o‘tishi munosabati bilan, arizasiga asosan egallab turgan vazifasidan ozod etilgan.
Sessiyada, shuningdek O‘zbekiston Respublikasi Davlat soliq qo‘mitasi raisining birinchi o‘rinbosari — O‘zbekiston Respublikasi Davlat soliq qo‘mitasi huzuridagi Kadastr agentligi direktori lavozimida faoliyat yuritib kelgan Fazliddin Umarov nomzodi Samarqand shahri hokimi lavozimiga ko‘rsatilib, tasdiqlangan.
Avvalroq Qorako‘lchilik va pillachilikni rivojlantirish qo‘mitasi raisi o‘rinbosari Qarshi tumaniga hokim etib tayinlangandi.
