Toshkent shahri Yunusobod tumanida MChJ mablag‘larini talon-toroj qilgan bosh hisobchi aniqlandi, deb xabar bermoqda Iqtisodiy jinoyatlarga qarshi kurashish departamenti.
Qayd etilishicha, Bosh prokuratura huzuridagi departamentning Yunusobod tuman bo‘limi tomonidan tadbirkorlik subyektlarining huquqlarini himoya qilish yuzasidan tergovga qadar tekshiruv o‘tkazilgan. Unda “Z.M.” MChJ bosh hisobchisi M.M. kompyuter texnikasi vositalaridan foydalangan holda MChJ rahbarining xabardorligisiz hisob raqamdan jami 161,9 million so‘m mablag‘ni talon-toroj qilgani aniqlangan. U mablag‘larni o‘zi rahbar bo‘lgan “M.P.” MChJ hisob raqamiga o‘tkazib olgan.
Holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilgan. Hozirda tergov harakatlari o‘tkazilmoqda.
Mavzuga doir:
- Toshkent viloyatida akasining nomiga korxona ochib, 754 mln so‘m kredit mablag‘ini o‘zlashtirgan bank bosh hisobchisi ushlandi
- Qashqadaryoda 1,1 mlrd so‘m kredit mablag‘ini o‘zlashtirgan shaxslar aniqlandi
- Buxoroda garovdagi qariyb 800 mln so‘mlik mulklarni sotib yuborgan korxona rahbari va sobiq bank xodimi ushlandi
Izoh (0)