Тошкентда Gentra ва ЙПХ ходими бошқарувидаги Lacetti иштирокида йўл-транспорт ҳодисаси содир бўлди, дея хабар қилмоқда ЙҲХХ.
Қайд этилишича, 2022 йил 4 март куни соат 23:00 ларда Тошкент шаҳри Яккасарой тумани КҲАЙ кўчасида ЙПХ ходими А.Р. (1995 йилда туғилган) Lacetti махсус хизмат автомобилида тўхташ ишорасига бўйсунмаган Spark ҳайдовчисини ортидан кузатиб кетаётган вақтда, махсус товуш чиқарувчи қурилмадан фойдаланган ҳолда светофорнинг тақиқловчи қизил чироғида ҳаракатланган.
Ҳайдовчи қоидаларнинг 25-бандида белгиланган талабга риоя қилмаган. Яъни товуш чиқарувчи қурилма билан биргаликда ёритувчи маёқчаларни ёқмаган ҳамда унга йўл берилаётганига ишонч ҳосил қилмасдан ҳаракатланган ва светофорнинг яшил чироғида ҳаракатланиб келаётган М.М. (1995 йилда туғилган) бошқарувида бўлган Lacetti русумли автомобиль билан тўқнашган.
Тўқнашув сабаб ҳайдовчи М.М. бошқарувидаги Lacetti автомобили ағдарилган.
ЙТҲ оқибатида ҳайдовчи М.М. бошқарувидаги Lacetti русумли автомобиль йўловчиси Ф.А. (1997 йилда туғилган) тан жароҳати билан шифохонага олиб кетилган.
Мазкур ЙТҲ юзасидан Яккасарой туман прокуратураси томонидан суриштирув ҳаракатлари олиб борилмоқда.
Изоҳ (0)