Toshkent shahridan Rossiyaning Novosibirsk shahriga qo‘shimcha aviaqatnovlar amalga oshiriladi, deb xabar bermoqda Uzbekistan Airways.
Qayd etilishicha, 9, 16 va 23-mart kunlari Toshkent—Novosibirsk—Toshkent yo‘nalishi bo‘yicha reyslar joriy etiladi. Parvozlar jadvali quyidagicha:
- Toshkentdan uchish: 14:00 (Toshkent vaqti bilan)
- Novosibirskka yetib borish: 17:00 (Novosibirsk vaqti bilan)
- Novosibirskdan uchish: 18:30 (Novosibirsk vaqti bilan)
- Toshkentga yetib borish: 21:30 (Toshkent vaqti bilan)
Eslatib o‘tamiz, Uzbekistan Airways esa Rossiya havo hududining bir qismi yopilishi bilan bog‘liq cheklov sabab bir qator shaharlarga parvozlar jadvali va yo‘nalishini o‘zgartirdi. Unga ko‘ra, 3-martdan 26-martgacha O‘zbekiston—Sochi—O‘zbekiston yo‘nalishida qo‘shimcha qatnovlar joriy etilib, Krasnodar va Rostov-Don shaharlariga rejalashtirilgan parvozlar Sochi shahriga amalga oshiriladi.
Shuningdek, Rossiyaning iFly aviakompaniyasi 5-mart sanasidan boshlab O‘zbekistonga bajarilishi kutilayotgan hamda barcha rejalashtirilgan yo‘nalishlarda o‘z parvozlarini noma’lum muddatga to‘xtatgandi. Shuningdek, Smartavia aviakompaniyasi ham 7-mart kuniga rejalashtirilgan Moskva—Urganch—Moskva yo‘nalishidagi parvozni bekor qildi.
Izoh (0)