“Magnit kosmetik” boshqaruv direktorligi uchun 31 mln so‘mlik vakansiya e’lon qildi

“Magnit kosmetik” magazin tarmoqlari direktorligiga vakansiya e’lon qildi. Nomzodlarga nisbatan bir nechta talablar qo‘yilgan.

Qayd etilishicha, xodimdan shu sohada 3 yildan 6 yilgacha tajriba va oliy ma’lumot talab qilinadi. Nomzod “Magnit kosmetik” do‘konlar tarmog‘ining operativ boshqaruvini amalga oshirishi kerak. 

Boshqaruv direktorligiga soliqlargacha 31 mln so‘mdan boshlab maosh taklif qilinmoqda.

2021-yilning 31-dekabr holatiga ko‘ra, Magnit do‘konlar tarmog‘ining Rossiyadagi 3 ming 898 ta aholi yashash punktida 26 mingdan ziyod do‘koni, shu jumladan, 6,9 mingta “Magnit kosmetik” do‘konlari joylashgan.

Avvalroq O‘zbekistonda ‘‘Magnit kosmetik’’ do‘konlar tarmog‘i qachon ochilishi ma’lum qilingan edi.