“Chelsi” yarim himoyachisi Ngolo Kante Chempionlar Ligasida haftaning eng yaxshi futbolchisi deb topildi.
29 yoshli futbolchi “Lill”ga qarshi o‘yinda (2:0) golli uzatmaga mualliflik qildi va 89% uzatmalar aniqligini qayd etdi.
Shuningdek, ushbu nom uchun quyidagi futbolchilar ham kurash olib borgandi:
- Nussair Mazrovi (“Ayaks”) — “Benfika”ga qarshi o‘yinda (2:2) 86% uzatmalar aniqligi, 3 ta bloklangan zarba;
- Joau Feliks (“Atletiko”) — “Manchester Yunayted”ga qarshi bahsda (1:1) gol va 5 ta xavfli vaziyat;
- Dani Parexo (“Vilyarreal”) — “Yuventus”ga qarshi uchrashuvda (1:1) gol va 93% uzatmalar aniqligi.
UEFA, shuningdek, Yevropa Ligasi va Konferensiyalar Ligasida ham haftaning eng yaxshilari nomini e’lon qildi.
“Sherif”ga qarshi o‘yinda bittadan gol va assistga mualliflik qilgan “Braga” yarim himoyachisi Rikardu Orta Yevropa Ligasida, “Reynjers” bilan kechgan bahsda dubl va 72 % uzatmalar aniqligini qayd etgan Jeyms Meddison esa Konferensiyalar Ligasida haftaning eng yaxshi futbolchisi bo‘ldi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)