«Челси» ярим ҳимоячиси Нголо Канте Чемпионлар Лигасида ҳафтанинг энг яхши футболчиси деб топилди.
29 ёшли футболчи «Лилл»га қарши ўйинда (2:0) голли узатмага муаллифлик қилди ва 89% узатмалар аниқлигини қайд этди.
Шунингдек, ушбу ном учун қуйидаги футболчилар ҳам кураш олиб борганди:
- Нуссаир Мазрови («Аякс») — «Бенфика»га қарши ўйинда (2:2) 86% узатмалар аниқлиги, 3 та блокланган зарба;
- Жоау Феликс («Атлетико») — «Манчестер Юнайтед»га қарши баҳсда (1:1) гол ва 5 та хавфли вазият;
- Дани Парехо («Вильярреал») — «Ювентус»га қарши учрашувда (1:1) гол ва 93% узатмалар аниқлиги.
УЕФА, шунингдек, Европа Лигаси ва Конференциялар Лигасида ҳам ҳафтанинг энг яхшилари номини эълон қилди.
«Шериф»га қарши ўйинда биттадан гол ва ассистга муаллифлик қилган «Брага» ярим ҳимоячиси Рикарду Орта Европа Лигасида, «Рейнжерс» билан кечган баҳсда дубль ва 72 % узатмалар аниқлигини қайд этган Жеймс Мэддисон эса Конференциялар Лигасида ҳафтанинг энг яхши футболчиси бўлди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)