Formula-1 Rossiyaning Ukrainadagi harbiy harakatlari tufayli 2022-yili Rossiyada o‘tkazilishi belgilangan Gran-prini bekor qildi.
24-fevral kuni FIA va Formula-1 rahbariyati ushbu masalani muhokama qilgan.
“Biz Ukrainadagi voqealar rivojini qayg‘u va hayrat bilan kuzatyapmiz. Tez orada bu holat tinchlik yo‘li bilan bartaraf etilishiga umid qilamiz.
Rahbariyat va aksionerlar bilan kelishgan holda joriy vaziyatda Rossiyada Gran-pri o‘tkazish ilojsiz degan qarorga keldik”, — deyiladi Formula-1 bayonotida.
24-fevral kuni Rossiya prezidenti Donbassda “maxsus harbiy harakatlar” boshlanganini ma’lum qildi. O‘sha kuni Ukrainaning qator hududlarida harbiy harakatlar amalga oshirilgan.
24-fevral kuni futbol bo‘yicha Ukraina Premyer Ligasining joriy mavsumi to‘xtatildi. 25-fevralda UEFA 2022-yilning may oyida bo‘lib o‘tishi rejalashtirilgan Chempionlar Ligasi finalini Sankt-Peterburgdan olib qo‘ygan va Parijga ko‘chirgandi.
Izoh (0)