YChL. “Manchester Yunayted” “Atletiko M”ga qarshi o‘yinda so‘nggi daqiqalarda mag‘lubiyatdan qutulib qoldi. 4 ta gol urilgan “Ayaks” — “Benfika” bahsida ham g‘olib nomi aniqlanmadi
Futbol bo‘yicha Yevropa Chempionlar Ligasi nimchorak final bosqichidan o‘rin olgan ikki uchrashuv 23-fevral, chorshanba kuni bo‘lib o‘tdi.
“Manchester Yunayted” safarda “Atletiko Madrid” bilan bahs olib bordi. Bellashuvda tezkor gol kuzatildi: 7-daqiqada Joau Feliks chap qanotdan oshirilgan to‘pni boshi bilan ajoyib tarzda darvozaga joylab qo‘ydi. Ushbu hisob o‘yinning katta qismida saqlanib turdi. Ammo 80-daqiqada Entoni Elanga qarshi hujumni gol bilan yakunlab, “qizil iblislar”ni mag‘lubiyatdan qutqarib qoldi.
“Ayaks” “Benfika” mehmoni bo‘ldi va 2:2 hisobidagi durangga imzo chekdi. Mehmonlar safida Dushan Tadich va Sebastyan Aller o‘z nomini tabloga yozdirib qo‘ygan bo‘lsa, portugal jamoasining goliga Roman Yaremchuk mualliflik qildi, yana bir vaziyatda esa Sebastyan Aller o‘z darvozasiga to‘p kiritib qo‘ydi.
Har ikkala qarama-qarshilikning javob bahslari 15-mart sanasida o‘tkazilishi rejalashtirilgan.
Yevropa Chempionlar Ligasi
1/8 final, dastlabki bahslar
23-fevral, chorshanba
“Atletiko M” Ispaniya – “Manchester Yunayted” Angliya 1:1
Gollar: 1:0 – 7 Joau Feliks, 1:1 – 80 Elanga.“Atletiko M”: Oblak, Vrsalko, Savich, Ximenes, Reynildu, Lodi (Lemar, 76), Kondogbia, Errera, Lyorente, Korrea, Joau Feliks (Grizmann, 76).
“Manchester Yunayted”: De Xea, Lindelyof (Uan-Bissaka, 66), Varan, Maguayr, Shou (Telles, 67), Pogba (Matich, 66), Fred, Brunu Fernandesh, Ronaldu, Reshford (Elanga, 75), Sancho (Lingard, 82).
Ogohlantirishlar: Errera (45), Shou (50), Lindelyof (60), Reynildu (63), Reshford (65), Fred (74), Lyorente (77), Ximenes (78), Telles (83).
“Benfika” Portugaliya – “Ayaks” Niderlandiya 2:2
Gollar: 0:1 – 18 Tadich, 1:1 – 25, avtogol Aller, 1:2 – 29 Aller, 2:2 – 72 Yaremchuk.“Benfika”: Vlaxodimos, Jilberto (Diogu Gonsalvesh, 90), Vertongen, Otamendi, Grimaldo, Rafa Silva, Taarabt (Paulu Bernardu, 85), Vaygl, Nunyes (Lazaro, 90), Gonsalu Ramush, Everton (Yaremchuk, 62).
“Ayaks”: Pasveyer, Mazraui (Rensx, 90), Martines, Timber, Blind (Talyafiko, 73), Alvares, Gravenberx (Klassen, 74), Tadich, Bergeys, Aller, Antoni.
Ogohlantirishlar: Mazraui (23), Bergeys (45), Nunyes (46), Gonsalu Ramush (49), Yaremchuk (73), Antoni (87).
