Tashqi ishlar vazirligi Ukrainada yuzaga kelgan vaziyat yuzasidan O‘zbekiston fuqarolariga xabar yo‘lladi.
O‘zbekiston Respublikasi fuqarolari, shu jumladan, Rossiyaning Ukrainaga yaqin hududlarida joylashgan oliy o‘quv yurtlari talabalari uchun xavotirlanishga sabab va asoslar yo‘qligini ma’lum qilamiz.Eslatib o‘tamiz, 24-fevralga o‘tar kechasi Rossiya prezidenti Vladimir Putin Donbassda “mintaqa aholisini genotsiddan himoya qilish” uchun “maxsus harbiy operatsiya” boshlanganini ma’lum qildi. Murojaatdan so‘ng ijtimoiy tarmoqlarda Ukrainaning ko‘plab shaharlarida portlashlar sodir bo‘lgani haqida xabarlar paydo bo‘ldi. Ukraina Ichki ishlar vazirligi rahbari maslahatchisi Anton Gerashchenko 24-fevral kuni erta tongda Kiyev, Xarkov va Dneprda harbiy infratuzilma obyektlariga raketa zarbalari berilganini ma’lum qildi.O‘zbekiston Respublikasining Moskva shahridagi elchixonasi hamda Rostov-Don shahridagi Bosh konsulxonasi Rossiya Federatsiyasining tegishli vazirlik va idoralari bilan yaqin va doimiy aloqada bo‘lib turibdi.
Fuqarolarimiz uchun biror-bir xavf-xatar yuzaga kelganda, tezkor ravishda tegishli choralar ko‘riladi.
Zarur hollarda fuqarolarimiz quyidagi aloqa raqamlariga murojaat qilishlari mumkin:
O‘zbekiston Respublikasining Moskvadagi elchixonasi: +7 499 230-00-76, +7 499 230-00-32;
Rostov-Dondagi Bosh konsulxona: +7 988 586-59-82, +7 918 554-04-76, +7 988 586-70-35, +7 988 586-59-82”, — deyiladi vazirlik murojaatida.
Ukraina prezidenti Vladimir Zelenskiy Putinning harakatini mamlakatni yakson qilish deya baholab, G‘arbni “Putinga qarshi koalitsiya” tuzishga chaqirdi.
Rossiya Mudofaa vazirligi esa “Ukraina harbiy infratuzilmasi ishdan chiqarilayotganini”, mamlakatning tinch aholisiga hech qanday tahdid yo‘qligini e’lon qilgan. Ukraina ichki ishlar vazirining maslahatchisi Anton Gerashenko esa Odessa va Sumsk viloyatlarida, shuningdek, Mariupol shahridagi otishmalar oqibatida halok bo‘lganlar to‘g‘risida ma’lumot berdi. Ukraina milliy politsiyasi rahbari ichki ishlar organlari faxriylariga qurol tarqatishni buyurdi.
Izoh (0)