Ташқи ишлар вазирлиги Украинада юзага келган вазият юзасидан Ўзбекистон фуқароларига хабар йўллади.
Ўзбекистон Республикаси фуқаролари, шу жумладан, Россиянинг Украинага яқин ҳудудларида жойлашган олий ўқув юртлари талабалари учун хавотирланишга сабаб ва асослар йўқлигини маълум қиламиз.Эслатиб ўтамиз, 24 февралга ўтар кечаси Россия президенти Владимир Путин Донбассда «минтақа аҳолисини геноциддан ҳимоя қилиш» учун «махсус ҳарбий операция» бошланганини маълум қилди. Мурожаатдан сўнг ижтимоий тармоқларда Украинанинг кўплаб шаҳарларида портлашлар содир бўлгани ҳақида хабарлар пайдо бўлди. Украина Ички ишлар вазирлиги раҳбари маслаҳатчиси Антон Герашченко 24 февраль куни эрта тонгда Киев, Харков ва Днепрда ҳарбий инфратузилма объектларига ракета зарбалари берилганини маълум қилди.Ўзбекистон Республикасининг Москва шаҳридаги элчихонаси ҳамда Ростов-Дон шаҳридаги Бош консулхонаси Россия Федерациясининг тегишли вазирлик ва идоралари билан яқин ва доимий алоқада бўлиб турибди.
Фуқароларимиз учун бирор-бир хавф-хатар юзага келганда, тезкор равишда тегишли чоралар кўрилади.
Зарур ҳолларда фуқароларимиз қуйидаги алоқа рақамларига мурожаат қилишлари мумкин:
Ўзбекистон Республикасининг Москвадаги элчихонаси: +7 499 230-00-76, +7 499 230-00-32;
Ростов-Дондаги Бош консулхона: +7 988 586-59-82, +7 918 554-04-76, +7 988 586-70-35, +7 988 586-59-82», — дейилади вазирлик мурожаатида.
Украина президенти Владимир Зеленский Путиннинг ҳаракатини мамлакатни яксон қилиш дея баҳолаб, Ғарбни «Путинга қарши коалиция» тузишга чақирди.
Россия Мудофаа вазирлиги эса «Украина ҳарбий инфратузилмаси ишдан чиқарилаётганини», мамлакатнинг тинч аҳолисига ҳеч қандай таҳдид йўқлигини эълон қилган. Украина ички ишлар вазирининг маслаҳатчиси Антон Герашенко эса Одесса ва Сумск вилоятларида, шунингдек, Мариупол шаҳридаги отишмалар оқибатида ҳалок бўлганлар тўғрисида маълумот берди. Украина миллий полицияси раҳбари ички ишлар органлари фахрийларига қурол тарқатишни буюрди.
Изоҳ (0)