O‘zbekistonning Kiyevdagi echixonasi Ukrainada ta’lim olayotgan o‘zbekistonlik talabalar o‘z vataniga vaqtinchalik jo‘nab ketishi sabab mamlakat oliy o‘quv yurtlaridagi o‘qishlarini saqlab qolish masalasi bo‘yicha ko‘plab murojaatlar kelib tushayotganini inobatga olgan holda, murojaat bilan chiqdi.
Unga ko‘ra, Ukraina Ta’lim va fan vazirligi 2022-yil 25-yanvardagi 1/1266-sonli va 2022-yil 15-fevraldagi 1/2588-22-sonli xati bilan Ukrainaning barcha oliy o‘quv yurtlariga masofaviy ta’limni joriy etishni tavsiya qilgan. Mamlakat OTMlariga har qanday sababga ko‘ra talabalarni o‘qishdan chetlashtirishdan saqlanish topshirilgan, o‘qishni mustaqil ravishda tark etish istagini bildirgan talabalar bundan mustasno.
Ushbu qoida tibbiyotdan tashqari barcha mutaxassisliklar talabalariga tegishli.
Yuqoridagilarni hamda havo qatnovida kuzatilgan uzilishlarni hisobga olgan holda o‘zbekistonlik talabalarga o‘z vatanlarida o‘qishni masofaviy shaklda davom ettirish imkoniyatlarini ko‘rib chiqish tavsiya etiladi.
Avvalroq O‘zbekiston Ukrainadagi fuqarolarini evakuatsiya qilishga tayyorlanayotganini ma’lum qilgandi. Ta’kidlanishicha, Ukraina havo hududining yopilishini inobatga olgan holda jo‘nab ketish yo‘nalishlari va jo‘nab ketish joyi ishlab chiqilmoqda.
Mavzuga doir:
Izoh (0)