Shavkat Mirziyoyev Beruniy tumani faolllari bilan uchrashuvda mahalla raislari ham prezident kabi kuyib-pishishi kerakligini ta’kidlab o‘tdi. Bu haqda “Daryo” muxbiri xabar bermoqda.
“Mahalla raislari ham endi men kabi kuyib-pishishi kerak. Prezident xalqni o‘ylab, qanchalik kuyib-pishsa ular ham shunday bo‘lishlari lozim. Qaysi hududga qancha mablag‘ berilishi kerakligini tushuntiringlar. Men bu yerga kelishimdan avval Qoraqalpog‘iston Jo‘qorg‘i Kengesining raisi Murat Kamolov qilinishi zarur bo‘lgan ishlar uchun pul kerak ekanini aytdi. Men pul beraman”, — dedi davlat rahbari.
Shavkat Mirziyoyev Beruniy tumaniga qo‘shimcha tarzda 50 milliard so‘m ajratilishini ma’lum qildi.
Davlat rahbari Beruniy tumanining sektor rahbarlari, mahalla raislari, yoshlar yetakchilari uyg‘onishi kerakligini aytdi.
“Beruniy tumanida ham ishsizlar, uyushmagan yoshlar bor. Ularning masalasini ham o‘ylash kerak”, — dedi prezident.
Izoh (0)